+7 (777) 001 44 99
Қазақша
Русский
English
Батыс Қазақстан облысы әкімдігінің сайтында облыс әкімі Алтай Көлгіновтің қанша жалақы алатыны жайлы мәлімет жарияланды, - деп хабарлайды Tengrinews.kz тілшісі.
Әкімдіктегілердің мәліметінше, облыс әкімінің жалақысы - 761 889 теңге. Ал облыс әкімінің бірінші орынбасары Игорь Стексов 481 328 теңге алады екен.
Облыс әкімінің орынбасарлары Ғабидулла Оспанқұлов, Миржан Сатқанов, Бибігүл Қонысбаева мен Бағдат Азбаевтың жалақылары - 462 000 - 519 000 теңге аралығында.
Мұның алдында Талдықорған әкімі Дастан Шалтабаев пен Қызылорда әкімі Нұрлыбек Нәлібаевтың жалақысы аталған еді.
Кейінірек Көкшетау қаласының әкімі Ермек Маржықпаев өзінің айлық жалақысы қанша екенін айтқан болатын. Ақмола облысы бойынша облыс орталық әкімінің айлық көрсеткіші - 451 627 теңге.
Ал Қарағанды облысының әкімі Ерлан Қошанов айына 967 672 теңге алады екен. Кейін Павлодар қаласының әкімі қанша алатыны белгілі болды. Әнуар Көмпекеевтің мөлшерлемесі - 462 245 теңге.
