+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Журналист әрі блогер Бота Жұманова бірнеше ай бұрын өзіне шабуыл жасаған адамнан моральдық шығын ретінде 2,5 миллион теңге талап етті, - деп хабарлайды Tengrinews.kz тілшісі.
Журналист әрі блогер Бота Жұманова бірнеше ай бұрын өзіне шабуыл жасаған адамнан моральдық шығын ретінде 2,5 миллион теңге талап етті, - деп хабарлайды Tengrinews.kz тілшісі.
"Сот отырысында айыпталушының қорғаушысы айыптау бабын "Бұзақылыққа" ауыстыруға өтініш беретіні анықталды. Бұл жазаны жеңілдетуге әкеледі. Біз де өз тарапымыздан материалдық және моральдық шығын өндіріп алуға қылмыстық іс аясында өтінім бердік. Бұл емделуге 80 мың теңге және моральдық шығын ретінде 2,5 миллион теңге", - деді Бота Жұманова.
Сонымен қатар, Жұманова өзіне шабуыл жасаған адамды кешіруге ниетті емес екенін жеткізді. "Кешірім беруге келсек, мен Қазақстанның әрбір тұрғыны заң аясында өз құқығын қорғауға міндетті деп білемін. Мен басқа біреуге, әсіресе әйел адамға қоол көтерудің дұрыс емес екенін айтқым келеді", - деді ол.
Бүгін сот отырысында прокурор Өркен Мырзаханды ҚР ҚК 191-бабының 2-бөлігі - "Тонау" және ҚР ҚК 24-бабының 3-тармағы - "Қылмысқа дайындалу және қылмыс жасауға оқталу" бойынша айыпты деп танып, мүлкін тәркілеу арқылы бес жылға бас бостандығынан айыру жазасын кесуді сұрады. Дегенмен сотталушының қорғаушысы бапты "Бұзақылыққа" ауыстыруды сұрады.
Айта кетейік, сотталушы бүгін, 21 желтоқсанда сағат 18.00-де соңғы сөзін айтады. Сот шешімі осы аптада шығарылады.
Еске сала кетейік, Алматыда журналист Ботагөз Жұмановаға жасалған шабуылдың видеосы жарияланған болатын. Оқиға 8 қазан күні кешке болған. Видеодан бір жігіттің журналист қыздың соңынан ілесіп келіп, бірер секундтан кейін оны соққыға жығып, ұрып, тепкінің астына алып, қашып кеткенін көруге болады. Кейін соққыға жығылған журналист Бота Жұманова өзінің жағдайы жайлы айтып берді. "Барлығыңа сәлем! Мен тірімін. Қазір емделіп жатырмын, бірақ басым әлі мазалайды. (...) Мен Майқұдықтанмын, біз мұндайдан жеңіле салмаймыз", - деді журналист. Алматы полициясы шабуыл жасаған адамды ұстады. Ол Жаркенттің тумасы, айтуынша Ботаның БАҚ-та жұмыс істейтінін ол жаңалықтардағы видеодан кейін білген.
