Батыс Қазақстан облысында жаңа туған науқас сәбидің ата-анасы еңбек және халықты әлеуметтік қорғау министрі Тамара Дүйсеноваға хат жазды, - деп хабарлайды Tengrinews.kz тілшісі.
Ата-ананың жазған хаты электронық үкіметтегі министрдің блогында жарияланды.
"Жаңа туған қызыма көмек көрсетуіңізді сұраймыз. Бізге шетелде қымбат ем алу керек болып тұр, Данияда. Сирек кездесетін диагноз қойылды: туа біткен гиперинсулинизм. Материалдық көмек қажет. Өтінеміз, бізге көмектесеңіздер", - деп жазған қыздың әкесі.
Дүйсенова өз кезегінде министрліктің мемлекеттік орган екенін және ақшалай түрдегі материалдық көмектің көрсетілмейтінін айтты.
Сондай-ақ, ол Қазақстан Республикасы денсаулық сақтау және әлеуметтік министрінің 2015 жылдың 30 маусымындағы № 544 бұйрығына сәйкес, науқастардың бюджет қаражаты есебінен ем алуға мүмкіндіктері бар екенін айтты.