+7 (777) 001 44 99
ПОДЕЛИТЬСЯ
Елордалық Асхат Өтепов Нұр-Сұлтанға Bek Air ұшағымен жетуі керек болған, алайда ол өмірінде бірінші рет ұйықтап қалып, рейске кешіккен, - деп хабарлайды Tengrinews.kz тілшісі.
Елордалық Асхат Өтепов Нұр-Сұлтанға Bek Air ұшағымен жетуі керек болған, алайда ол өмірінде бірінші рет ұйықтап қалып, рейске кешіккен, - деп хабарлайды Tengrinews.kz тілшісі.
Асхат Өтепов Алматыға Өскеменнен сол түні келіп, Нұр-Сұлтанға азанда ұшуы керек болған. Бұл транзиттік рейс болатын, Шығыс Қазақстаннан Алматы арқылы үйіне, отбасына. Бірақ ол Асхат үшін соңғы болуы мүмкін еді. Ер адам қазірдің өзінде шок жағдайында екенін айтады.
"Жұмысыма байланысты ұшақпен жиі жүремін, бірақ әуежайға ерте келіп алатынмын. Бұл жолы қонақ үй қызметкері таңғы бесте оятты. Мен ояндым да онлайн-тіркелуден өттім. Үлгеремін деп ойладым да, ұйықтап кетіппін. Оянсам таңғы тоғыз болған. Барлығы қоңырау шалып, екінші туған күніммен құттықтап жатыр, мен болсам не болғанын түсінбеймін. Жаңалықтарды ашсам, мынадай жағдай екен", - дейді Асхат.
Ер адамның айтуынша, сол рейспен барған жағдайда аман қалуы екіталай еді, өйткені оның орны алдыңғы қатарда (5А). Соған қарамастан ол үйіне ұшақпен қайтатын болып отыр. Асхатты үйінде ата-анасы, жары және үш баласы күтіп отыр.
Бүгін сағат 07:22-де Bek Air әуе компаниясының № Z2100 Алматы - Нұр-Сұлтан бағытындағы рейсі ұшу кезінде биіктікті жоғалтып, бетон қоршауға соғылған. Нәтижесінде екі қабатты ғимаратпен соқтығысқан. Бірден құтқару жұмыстары басталды, өрт шыққан жоқ.
