+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Парламент Мәжілісі ойын бизнесі туралы заңнамаға түзетулер енгізу жобасын бірінші оқылымда мақұлдады, - деп хабарлайды Tengrinews.kz тілшісі.
Парламент Мәжілісі ойын бизнесі туралы заңнамаға түзетулер енгізу жобасын бірінші оқылымда мақұлдады, - деп хабарлайды Tengrinews.kz тілшісі.
Төменгі палатаның эконмикалық реформа және өңірлік даму жөніндегі комитетінің қорытындысына сәйкес, заң жобасы ойын мекемелерін, тотализатор кассаларын немесе букмекерлік кеңселерді тұрғын үй ғимараттарының адам тұрмайтын бөлмелеріне орналастыруға тыйым салуды қарастырады. Сонымен бірге, ойын жабдықтарын сақтау тәртібі регламенттелетін болады.
"Сайлаушылармен кездесу барысында тұрғын үйлерде орналасқан букмекер кеңселері мәселесі бірнеше мәрте көтерілді. Иә, шынымен де, бүгінде букмекерлік кеңселер көбіне тұрғын үй алаптарында орналасқан, өкінішке қарай, бұл кеңселер қызметінің негізгі тұтынушылары - жастар. Соған байланысты мен ойын мекемелерін тұрғын үйлерден оқшаулау нормасын толық қолдаймын", - деді депутат Майра Айсина.
"Заң жобасының негізгі мақсаты - Қазақстан Республикасының ойын бизнесі және ойын бизнесі туралы заңнама нормаларын айналып өтуге мүмкіндік беретін олқылықтарды жою саласындағы нормаларды жетілдіру, сонымен бірге, интернет-казино қызметіне, соның ішінде, Қазақстан аумағындағы шетелдік казиноларға тыйым салу, ойын бизнесі саласында лицензия алуға тапсырыс берушілер үшін талапты күшейту", - делінген қорытындыда.
Заң жобасы әрбір ойын мекемесіне салынатын салық мөлшерін ұлғайтуды да қарастырады. Сонымен бірге, заң жобасы спорттан басқа шараларға бәс тігуге де тыйым салады. Түзетулер Азаматтық іс жүргізу кодексінде интернет-казино қызметін заңсыз деп тану механизмін бекітуді ұсынып отыр.
