БҰҰ Қауіпсіздік кеңесінде Қазақстан ҚХДР-дің әрекетін сөкті

09 Тамыз 2017, 12:03
0
БҰҰ Қауіпсіздік кеңесінде Қазақстан ҚХДР-дің әрекетін сөкті - БҰҰ Қауіпсіздік кеңесі. ©REUTERS/Mike Segar
БҰҰ Қауіпсіздік кеңесі. ©REUTERS/Mike Segar

БҰҰ Қауіпсіздің кеңесінің отырысында Қазақстан КХДР-дің әрекеттерін сынады, - деп хабарлайды Tengrinews.kz тілшісі ҚР Сыртқы істер министрлігіне сілтеме жасап. 

5 тамызда өткен отырыс кезінде Қазақстан өкілі Пхеньянның жауапсыз саясаты мен арандатушылық әрекеттеріне жалпымен бірге наразы екенін жеткізді. 

"ҚХДР-дің зымыран және ядро бағдарламаларының қаупі мүдделі тараптарға келіссөздерді қайта жандандыруға итермелеп отыр. Қазақстанның дипломатиясы бұл жағдайдан шығу жолы тек диалог өткізу, ешқандай күш қолдану емес деген ойда", - дейді Қазақстан өкілі. 

Қауіпсіздік кеңесі КХДР-ге қатысты жаңа резолюция қабылдады.

"2371 (2017) резолюциясына баллистикалық зымыранды сынауға байланысты бұрын болмаған қатаң санкциялар енді. Бұл Солтүстік Кореяның негізгі экспортына - көмір (Солтүстік Кореяның ірі табыс көзі), темір, темір кені, қорғасын, қорғасын кеніне және теңіз өнімдеріне тыйым салады. Сонымен қатар, бұл елдің жеке және заңды тұлғаларына қатысты санкциялық тізім жасалды", - дейді ведомствоның баспасөз қызметі. 

Санкция Солтүстік Кореяның валюта табысының үштен бірін қысқартуға бағытталған. Бұл елдің ядролық бағдарламасын жалғастыруға қаржылай мүмкіндігін шектеу үшін жасалғаны атап өтілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай