"Біз - Құдай көршіміз". Назарбаев Орталық Азия жайында

16 Қараша 2017, 13:30
8
"Біз - Құдай көршіміз". Назарбаев Орталық Азия жайында - © Тұрар Қазанғапов
© Тұрар Қазанғапов

Қазақстан Президенті Нұрсұлтан Назарбаев аймақтың қарыштап дамуы үшін Орталық Азия елдеріне бірге болу керек деп мәлімдеді, - деп хабарлайды Tengrinews.kz тілшісі. 

Астана клубының үшінші отырысында халықаралық қауіпсіздікті зерттеу бойынша ұлыбританиялық клубтың директоры Рафаэлло Пантуччи Орталық Азиядағы бес елдің арасын не жақсарта алатынын сұрады. 

"Егемендік алғанда Орталықазиялық экономикалық одақ құруды ұсынғанмын. Ол құрылды бірақ, әр елдің өз жобасы мен өз пікірі болды. Бірі Кеңес кезіндегі саясатпен қалды, екіншісі тереңдеп кетті және тағы сол сияқты. Осы шұбарлығымыз мүмкіндік бермеді ол кезде", - дейді Назарбаев. 

"Ширек ғасырдан кейін біздің тарихымыз, мәдениет пен менталитетіміз бір мемлекеттер екенімізді, Құдайдың өзі көрші болуды бұйырғанын түсіндік. Өзбекстанда үлкен өзгерістер болып жатқанын көруге болады. Бір жылда-ақ арамыздағы шекара ашылды, сауда 30 пайызға артты, ортақ кәсіпорындар ашылуда. Адамдар бір-біріне келіп, мәдениет алмасуы жүріп жатыр. Мүмкін жерде көмектесіп тұрамыз. Тәжікстан мен Түркіменстанда да солай", - дейді Президент. 

Елбасы Орталық Азия елдеріне бірге болу тағдырмен жазылғанын атап өтті. 

"Жақында Қырғызстанда сайлау өтті. Мен болашаққа үлкен үмітпен қараймын. Орталық Азияға бірге болу тағдырмен жазылған. Біреуге қарсы емес, халқымыздың болашағы үшін. Соған үміттенемін", - деп атап өтті Мемлекет басшысы. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (8)
Оқылып жатыр
Талқыланып жатыр
Бүгін
Апта
Ай