1. Басты
  2. Біл
  3. Жаңалықтар
  4. Ел жаңалықтары

Дәрігер Нұр-Сұлтандағы аурухананың жұмысын видеоға түсіріп көрсетті

Видеодан алыған кадр Видеодан алыған кадр

Бүгін №1 қалалық көпбейінді ауруханасының бас дәрігері Марат Абдуов провизорлық стационарға видеоэкскурсия жасап, аталған медициналық ұйымда науқастарды қалай қабылдайтынын көрсетті, - деп хабарлайды Tengrinews.kz тілшісі елорда әкімдігінің ресми сайтына сілтеме жасап.

"Бүгін, 20 маусымда, мен шұғыл қабылдау бөлімінде тұрмын. № 2 пост немесе коронавирус инфекциясының белгілері бар науқастар түсетін провизорлық бекет. Бұл бекет инфекцияның таралуына жол бермеудің алдын алу үшін құрылды", - деді Марат Абдуов.

Бас дәрігер әрі қарай тіркеу бөліміне барды.

"Мына жерде тіркеу және науқастарды медициналық сұрыптау жүргізіледі, яғни оның ауырлық жағдайы, егер науқас "ауыр жағдайда" және оған шұғыл медициналық көмек керек болса, жансақтау бөлімі жіберіледі немесе көмек қарқынды терапия бөлімінде көрсетіледі", - деп жалғастырды ол.

Келесі болып оқшаулау ғимаратын көрсетті.

"Мұнда коронавирус инфекциясына ПТР-тест жасау үшін мұрыннан жағынды алынып, барлық талдаулар электронды базаға енгізіледі. Сосын науқас оқшаулау бөліміне жатқызылады. Біздегі палаталар 3-4 орынға есептелген", - деді №1 қалалық аурухананың бас дәрігері.

Эпидемиологиялық жағдайдың күрт нашарлауына байланысты қаланың ауруханаларында науқастардың саны көбейді. "Дәрігерлер барлық науқастарға қажетті медициналық көмекті толық көлемде көрсетіп жатыр", - деді ауруханада.

Бұған дейін 20-21 маусымда Нұр-Сұлтанда қоғамдық көліктерінің жұмысы және қала тіршілігін қамтамасыз ететін кәсіпорындар, дәріханалар мен үйдің ауласындағы азық-түлік дүкендерінен басқа ұйымдардың жұмысы тоқтатылатыны (жұмыс кестесі 10.00-17.00 аралығанда) хабарланған. Сондай-ақ барлық қоғамдық орындар: саябақтар, гүлзарлар, жағалаулар, жағажайлар мен басқа да адам көп жиналатын жерлер жабық болады.

Нұр-Сұлтанда ауқымды дезинфекциялау жұмысы жүріп жатыр. Залалсыздандырумен адам көп жүретін жерлердің барлығы қамтылды. Дезинфекцияны мамандар жаяу жүріп және арнайы техниканың көмегімен жасап жатыр.

Қазақстан жаңалықтары. Соңғы жаңалықтар. Telegram желісінде бізге жазыл!