+7 (777) 001 44 99
ПОДЕЛИТЬСЯ
Алматы қалалық денсаулық басқармасындағылар атыстан жарақат алғандардың жағдайы туралы айтып берді, - деп хабарлайды Tengrinews.kz тілшісі. Қазір қала ауруханаларында жеті адамның жатқаны белгілі.
Алматы қалалық денсаулық басқармасындағылар атыстан жарақат алғандардың жағдайы туралы айтып берді, - деп хабарлайды Tengrinews.kz тілшісі. Қазір қала ауруханаларында жеті адамның жатқаны белгілі.
"Қазіргі уақытта қала ауруханаларында 7 адам жатыр. Бір науқас Ұлттық ғылыми хирургия орталығында ем алды. Жағдайы жақсарған ол тергеу изоляторына ауыстырылды. Бес науқас қалалық жедел жәрдем ауруханасында жатыр. Тағы екеуі қалалық орталық ауруханада жатыр. Үш науқастың жағдайы ауыр. Екеуі жансақтау бөлімінде жатыр, жағдайлары тұрақты ауыр", - деді Денсаулық сақтау басқармасының бас хирургі Нұржан Исабеков.
Сонымен қатар, Исабеков қаланың үздік хирургтері бірнеше ауыр ота жасағанын айтты. Ол науқастардың алған жарақаттарының ауыр екендігін де атап өтті. "Көбінесе торако-абдоминалдық жарақаттар, аяқ-қолдары жарақаттанған, кеуде қуыстарына оқ жарақаттарын алған", - деді Исабеков.
Еске салайық, 18 шілдеде Алматыдағы Алмалы аудандық ІІБ және ҰҚКД ғимараттарына шабуыл жасалды. Қазіргі уақытта Алматыда "Жедел ұстау" арнайы жоспары жарияланды. Осы орайда полицейлер тұрғындарға үйлерінен шықпауды өтінген. Қаладағы барлық қару-жарақ сататын дүкендер жабылған. Үш полиция қызметкері және бір бейбіт тұрғын қаза тапқан. Шабуыл жасағандардың екеуі ұсталды", - делінген Алматы ІІД таратқан ақпаратта. Сонымен қатар, Алматыда террорлық қауіптің "қызыл деңгейі" жарияланып, кейін бұл режим алып тасталды. Терроризмге қарсы күрес жөніндегі жедел штабтың өкілдері қаладағы шабуылдарды бір ғана адамның жасағанын мәлімдеді. Сондай-ақ, ҚР Президенті Нұрсұлтан Назарбаев Қауіпсіздік кеңесінің жиынында бүгін Алматыда болған атысты теракт деп атаған болатын.
Алматыда болған антитеррористік операцияның хронологиясын мына жерден оқи аласыз.
