Синоптиктер 7-9 қыркүйек аралығына ауа райы болжамын ұсынды, - деп хабарлайды Tengrinews.kz тілшісі Қазгидромет РМК орталығына сілтеме жасап.
Республикада циклон және атмосфералық фронттармен күзгі ауа райы келді. Солтүстікте жауын-шашын мол болады, ауа температурасы орташа есеппен 10-нан 20 градусқа дейін нөлден жоғары болады.
Республиканың оңтүстік бөлігінде 18-25 градус жылы болады деген болжам бар. Мұндай температура мен жаңбыр Қазақстанда алдағы үш күн жалғасуы мүмкін. Тек батыс өңірлерде жауын-шашын тоқтап, температура көтеріледі.
