+7 (777) 001 44 99
ПОДЕЛИТЬСЯ
Денсаулық сақтау министрі Алексей Цой қазақстандықтарға Жаңа жылды тойлауға және корпоративтік іс-шаралар өткізуге қатысты кеңес берді, - деп хабарлайды Tengrinews.kz тілшісі.
Денсаулық сақтау министрі Алексей Цой қазақстандықтарға Жаңа жылды тойлауға және корпоративтік іс-шаралар өткізуге қатысты кеңес берді, - деп хабарлайды Tengrinews.kz тілшісі.
ДСМ басшысы іс-шаралар өткізуге қатысты шектеулерді әр өңірдің бас санитария дәрігері қабылдайтынын еске салды.
"Отбасы ортасында ғана атап өтуге кеңес береміз. Жаңа жыл - отбасылық мереке, сондықтан, әрине, жиналғандар санын шектеген жөн, вирус ешқайда кеткен жоқ. Өкінішке қарай, таралу, ауру және өлім жағдайлары бар. Сондықтан денсаулығымызға қарап, отбасымен атап өткен дұрыс", - деді Цой журналистер сұрағына жауап бере отырып.
Сондай-ақ, Алексей Цой көп адам жиналатын корпоративтік шараларды өткізбеуге кеңес берді.
"Ауқымды іс-шараларды шектеген жөн, белгілі бір талаптар бар, бір жерде жиналса да, саны шектеледі. Көріп отырсыздар, тіпті мектептерде күнде жабылып жатыр. Өйткені вирус жұқтырғандар бар. Жалғыз жол – вакцинация", - деп қосты ол.
Сондай-ақ, Цой Денсаулық сақтау министрлігінде корпоративтік іс-шара өткізу жоспарда жоқ екенін атап өтті.
"Жалпы, қазір біз кейбір онлайн конференцияларды қоспағанда, барлық маңызды шараларды өткізбейміз", - деп түйіндеді Цой.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
