+7 (777) 001 44 99
Қазақша
Русский
English
Нұр-Сұлтан прокурорының орынбасары Елдос Килымжанов белсенді Дулат Ағаділдің өліміне қатысты мәлімдеме жасады, - деп хабарлайды Tengrinews.kz тілшісі қалалық полиция департаментіне сілетме жасап.
"25 ақпанда Нұр-Сұлтан қалалық полиция департаментінің қызметкерлері Ағаділдің өліміне қатысты сотқа дейінгі тергеуді бастады. Тергеу объектив жүруі үшін қылмыстық істі Нұр-Сұлтан қалалық прокуратурасының прокурорлары өндіріске алды.
26 ақпанда қайтыс болған Ағаділдің отбасының адвокаты берген өтініш бойынша мәйіт сараптамадан өткізіліп, зерттелді. Мамандар Ағаділдің өлімінің себебін анықтады - өткір жүрек-қан тамыр жеткіліксіздігі. Ешқандай дене жарақаты анықталмады, зорлық белгілері жоқ", - деді Елдос Килымжанов.
Оның айтуынша, сараптама зерттеу қорытындысы шыққан соң жүргізіледі. Сотқа дейінгі тергеу жалғасып жатыр.
Еске салайық, кеше Нұр-Сұлтанда тергеу изоляторында белсенді Дулат Ағаділ қайтыс болған еді. Кейін Ішкі істер министрлігі Ағаділдің өліміне қатысты мән-жайды айтқан болатын.
