Еліміздің төрт облысында ауа-райының күрт бұзылуына байланысты дауылды ескерту жарияланды, - деп хабарлайды Tengrinews.kz тілшісі "Қазгидромет" РМК-ға сілтеме жасап.
29 желтоқсанда Қостанай және Шығыс Қазақстан облыстарында желдің күші секундына 20 метрге дейін жетіп, қар, түнде кей жерлерде бұрқасын, тұман және көктайғақ болады деп болжанып отыр.
"Жауын-шашын әсерінен және қар жамылғысының тұрақсыз күйіне байланысты Талас Алатау жотасында (Оңтүстік Қазақстан және Жамбыл облыстарында) және Алматы облысының таулы аудандарында 29 желтоқсанда қар көшкіні қаупі сақталады", - делінген хабарламада.
