Елордада COVID-19-дың қай штамы басым? Санитария дәрігері жауап берді 29 желтоқсан 2021, 12:01
Нұр-Сұлтанның бас мемлекеттік санитария дәрігері Сархат Бейсенова елордада COVID-19-дың қай штамы басым екенін айтты, - деп хабарлайды Tengrinews.kz тілшісі.
Елорданың бас санитария дәрігерінің сөзінше, республика аумағында COVID-19 штамдарының айналымын бақылау мақсатында зерттеу жүргізіліп жатыр. Осыған байланысты екі айда бір рет зертханаға сынамалар жіберіледі екен.
"Желтоқсанның басында зертханаларға жеткізілген сынамалар бойынша соңғы деректерді айтсақ, молекулалық-генетикалық зерттеулердің нәтижелері бойынша елордада дельта-штамм (47 пайыз), сондай-ақ дельта-плюс штамм (41 пайыз) басым айналымда. Айналым Алматыдағы сияқты", - деді Сархат Бейсенова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!