+7 (777) 001 44 99
Қазақша
Русский
English
Түркия президенті Реджеп Тайып Ердоған Қазақстан Республикасының Президенті Нұрсұлтан Назарбаевқа түрік құрылысшыларын қолдағаны үшін алғыс айтты, - деп хабарлайды Tengrinews.kz тілшісі Ақордаға сілтеме жасап.
"Астананы салуда, сонымен қатар өзге жобалардың құрылысында түріктің құрылысшылары маңызды роль атқарды. Бірінші кезекте біздің құрылысшыларға осындай қолдау білдірген Президент мырзаға алғыс білдіргім келеді. Аллаға шүкір, мұнда, Астанада біздің фирмалар қызмет етіп жатыр", - деді Ердаған Ақордада Қазақстан Президентімен жүргізген келіссөздердің қорытындысында.
"Біздің құрылысшылар бізді ренжіткен емес, олар жақсы жұмыс істейді", - деді түрік президенті. Ол екі елдің президенттері қатысқалы отырған Қазақстан-Түркия бизнес-форумына 200 кәсіпкердің қатысуды жоспарлап отырғанын атап өтті.
Осыған дейін бүгін, 16 сәуірде Елбасының Қазақстанға мемлекеттік сапармен келген Түркия Республикасының Президенті Реджеп Тайып Ердоғанмен кездескені хабарланған болатын.
