Жамбыл облысының әкімі Бердібек Сапарбаев жиектас шығаратын зауыт туралы сұраққа жауап берді, - деп хабарлайды Tengrinews.kz тілшісі.
"Бердібек Машбекұлы, сіз Жамбыл облысына келгеннен бастап жиектастар алмастырыла басталды. Сіздің жиектас шығаратын зауытыңыз бар ма?" - деді журналистер ОКҚ онлайн-брифингте.
"Бұл сұрақ маған 15 жылдан бері қойылып келе жатқан шығар. Шығыс Қазақстаннан басталып, Жамбыл облысында жалғасып жатыр. Біріншіден, ШҚО-да кезінде менің ешқандай зауытым жоқ екенін айттым. Зауытым болса, әкім болып жұмыс істемейтін шығармын. Жол төселгенде жиектас бар ма, жоқ па - қарау керек. Бұл - бір. Екіншіден, жиектастардың сапасы қандай болып тұрғанын қарау керек. Содан кейін шешім шығарылады. Жол салғанда міндетті түрде жиектас қою керек", - деді аймақ басшысы.
Ол Таразда сапасы жақсы жиектестардың алмастырылғанан атап өтті.
"Біз оларды осы үшін жазаладық. Себебі жақсы жиектастарды қайта пайдалануға болады. Тағы да айтқым келеді: тексеріп көріңіздер. Менің ешқандай зауытым жоқ. Алматыда Сапарбаевтың зауыты бар, Сапарбаев жиектастарды әдейі ауыстырады деп жазды. Бекітілген норма бар, сол нормаға сәйкес жиектастар алмастырылады", - деді Сапарбаев.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
