Франция соты Әблязовты экстрадициялауды тоқтатты

Мұхтар Әблязов. Фото ©Ярослав Радловский

Францияның кассациялық соты БТА банкінің бұрынғы басшысы Мұхтар Әблязовті Ресейге немесе Украинаға экстрадициялау туралы шешімді тоқтатып тастады, - деп хабарлайды AFP. Енді оны беру мәселесі Лионда тағы қаралады.

Францияның кассациялық соты БТА банкінің бұрынғы басшысы Мұхтар Әблязовті Ресейге немесе Украинаға экстрадициялау туралы шешімді тоқтатып тастады, - деп хабарлайды AFP. Енді оны беру мәселесі Лионда тағы қаралады.

Қаңтардың басында Франция соты Ресей мен Украинаның қатынас хатын қанағаттандырып, БТА банкінің экс-басшысын экстрадициялау туралы шешім қабылдаған болатын. Ол кезде Ресейге басымдық берілген еді. Әблязовтің адвокаттары француз сотының шешіміне қатысты екі шағым келтірді. Қашып жүрген банкирдің Франциядан саяси пана сұрау мүмкіндігі бары туралы да ақпарат тараған еді. Бірақ оның адвокаты Марк Фейгиннің айтуынша, Әблязов өзін экстрадициялау туралы қаулының күші жойылса ғана Франциядан саяси пана сұрайды.

Еске сала кетейік, БТА банкінің бұрынғы басшысы 2013 жылдың шілде айында Францияда тұтқындалған болатын. Ол Қазақстанда 6 млрд доллардан астам қаржыны жымқырды және басқа да қаржылық алаяқтық жасады деп айыпталып отыр. Қазақстанда оған мүлкін тәркілеумен бірге 13 жылға бас бостандығынан айыру жазасы берілуі мүмкін.

Франция Сот төрелігі Әблязов Мұхтар

TENGRI travel

Алматы әуежайының негізгі кіреберісі бір аптаға жабылды

Бүгін, 10:34

Ақтөбе облысында ұшақ жөндеу зауытының бұрынғы басшысы “алдау“ схемасын ойлап тапқан

Кеше, 11:26

Қазақстан Ақтаудағы AZAL ұшағының апатына байланысты тергеуді аяқтауға жақын

03 желтоқсан 2025, 11:51

Денсаулық сақтау министрі ұшақтағы видосына қатысты пікір білдірді

03 желтоқсан 2025, 11:19