1. Басты
  2. Біл
  3. Жаңалықтар
  4. Ел жаңалықтары

Головкин Альвареспен үшінші жекпе-жек үшін келіссөздер қашан басталатынын айтты

©Reuters ©Reuters

Орта салмақтағы бұрынғы әлем чемпионы Геннадий Головкин (38-1-1, 34 КО) TMZ.com тілшісіне берген сұхбатында мексикалық Сауль "Канело" Альвареспен (52-1-2, 35 КО) болатын үшінші жекпе-жекке байланысты сұрақтарға жауап берді, - деп хабарлайды Vesti.kz тілшісі tofight.ru сайтына сілтеме жасап. 

Головкин Альвареспен үшінші жекпе-жек үшін келіссөздер Роллспен болатын жекпе-жектен кейін басталатынын мәлімдеді. Ол журналисттің "Үшінші жекпе-жектің болғанын қалайсың ба?" деген сұрағына "Барлығы қалайды" деп жауап берген. 

Еске салсақ, қазақстандық спортшы Лас-Вегастағы T-Mobile аренасында Альвареспен екі рет жұдырықтасқан: 2017 жылдың қыркүйегінде олардың алғашқы жекпе-жегі тең нәтижемен, ал бір жылдан соң мексикалықтың жеңісімен аяқталды. Осылайша, қазақстандық карьерасындағы алғашқы жеңіліске ұшырады және WBC, WBA (Super) және IBO титулдарынан айырылды.