Грекия астанасында Елбасының кітабы жарық көрді

29 Наурыз 2014, 14:16
0
Грекия астанасында Елбасының кітабы жарық көрді - ©Марат Әбілов
©Марат Әбілов

Афиныда Қазақстан Президенті Нұрсұлтан Назарбаевтың "G-global: XXI ғасырдағы әлем" атты кітабы жарыққа шықты, - деп хабарлайды Tengrinews.kz тілшісі ҚР Сыртқы істер министрлігінің баспасөз қызметіне сілтеме жасап.

24 наурыз күні Қазақстанның Грекиядағы елшілігі Грекияның еуропалық сыртқы саясат және философия жоғары мектебі қорымен бірге Қазақстан Президентінің грек тіліне аударылған "G-global: XXI ғасырдағы әлем" атты кітабын таныстыруға арналған "дөңгелек үстел" өткізген. 

Шараға Грекияда аккредиттелген дипломатиялық корпустың өкілдері, ғылыми-зерттеушілер, бұқаралық ақпарат құралдары және философия жоғары мектебінің профессорлық-оқытушылық құрамы қатысты. Жиналғандар Қазақстанның бес қағидаға негізделген G-global бастамасымен етене танысты. Ол қағидалар: "эволюция мен саясаттағы төңкерістік өзгерістерден бас тарту", "әділеттілік, теңдік, консенсус", "ғаламдық төзімділік пен сенім", "ғаламдық ашықтық", "құрылымдық әртараптық". 

"Дөңгелек үстелге" қатысушылар кітапқа қатысты оң пікірлер айтты. Атап айтқанда, философия докторы, Крит технология университетінің профессоры Димитриос Пателис "G-global: XXI ғасырдағы әлем"-де баяндалған идеяларға қызығушылық білдіріп, Қазақстанның демократиялық жаңару қарқыны мен қарышты әлеуметтік-экономикалық дамуын атап өтті.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай