Халыққа несие тықпалауды қою қажет - депутаттық сауал

23 Қаңтар 2014, 12:24
0
Халыққа несие тықпалауды қою қажет - депутаттық сауал - Фото "Аиф" сайтынан
Фото "Аиф" сайтынан
Бүгінде қарапайым азаматтарға несие тықпалап жатқан сан алуан сауда орталықтарының әрекетіне тыйым салу қажет. Себебі несиеге өмір сүріп жатқан қазақстандықтардың жалпы қарызы жыл өткен сайын артып келеді, деп хабарлайды Tengrinews.kz тілшісі Парламент Мәжілісінің депутаты Николай Кузьминнің Премьер-министр С.Ахметовке жолдаған депутаттық сауалына сілтеме жасап.

Н.Кузьминнің мәліметіне сәйкес, соңғы жылдары екінші деңгейлі банктерден несие алған Қазақстан халқының жалпы қарызы 2,2 трлн. теңгеге жетті. Бұл көрсеткіш күн өткен сайын өсіп келеді. Мәселен, өткен жылы тұтынушы несиелерінің көлемі 701 млрд. теңгеге артқан. Депутаттың ойынша, бұған, көп жағдайда, ірі сауда орталықтары итермелейді. Олар өз өнімдерін өткізу үшін несиеге тауардың түр-түрін үйіп-төгіп бере салады. "Алайда олай өмір сүруге болмайды. Бүгінде мерзімі өтіп кеткен қарыздардың уақыты 90 күннен асты. Өткен жылы ондай берешегі бар азаматтардың саны 15,3 пайызға өсті. Демек, бізде несиені төлей алмай жатқан халықтың саны артып келеді. Оның арты қоғам ішіндегі көптеген әлеуметтік толқуларға әкеп соқтыруы әбден мүмкін", - дейді Н.Кузьмин. Осы орайда ол несиеге өмір сүретін Батыс Еуропа және басқа да дамыған мемлекеттердің жағымсыз тәжірибесін мысалға келтіріп, 2007-2008 жылдары қаржылай дағдарысқа тап болған қазақстандық банктердің қандай жағдайда болғанын тағы бір мәрте еске түсірді. "Бұның бәрін ескере отырып, 2011-2013 жылдары екінші деңгейлі банктерден тұтынушы несиелерін беру және оны қайтару мәселесін тыңғылықты зерделеп шығуды сұраймын", - дейді өзінің депутаттық сауалында Н.Кузьмин.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай