21 тамыз 2014 17:52

Инвестициялар және даму министрлігінің комитет басшылары тағайындалды

ПОДЕЛИТЬСЯ

©ҚР ИДМ ©ҚР ИДМ

ҚР Инвестициялар және даму министрі Әсет Исекешевтің бұйрығымен комитет төрағалары тағайындалды, - деп хабарлайды Tengrinews.kz тілшісі ведомствоның баспасөз қызметіне сілтеме жасап.


ҚР Инвестициялар және даму министрі Әсет Исекешевтің бұйрығымен комитет төрағалары тағайындалды, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

Аэроғарыш комитетінің төрағасы болып Талғат Мұсабаев, Автокөлік жолдары комитетінің басшысы болып Мереке Пшембаев, Байланыс, ақпараттандыру және ақпарат комитетінің төрағасы болып Сәкен Сәрсенов тағайындалды. Индустриялық даму және өнеркәсіп қауіпсіздігі комитетінің төрағасы - Аманияз Ержанов, Геология және жер қойнауын пайдалану комитетінің төрағасы - Базарбай Нұрабаев, Техникалық реттеу және метрология комитетінің төрағасы - Біржан Қанешев, Көлік комитетінің төрағасы - Әсет Асаубаев, Азаматтық авиация комитетінің төрағасы - Бекен Сейдахметов, Инвестициялар жөніндегі комитеттің төрағасы - Ерлан Хайыров.

Әсет Исекешев бүгін комитет төрағаларын министрлік ұжымына таныстырды. ҚР Инвестициялар және даму министрлігінің құзырына елдің индустриялық-инновациялық, ғылыми-техникалық дамуы мәселелері кіреді. Оның ішінде, өнеркәсіп салаларын дамыту мен инвестиция тарту саясатын іске асыру және бұрынғы Индустрия және жаңа технологиялар министрлігінің техникалық реттеу қызметі, Көлік және коммуникация министрлігінің қызметі, бұрынғы Төтенше жағдайлар министрлігінің өнеркәсіп қауіпсіздігін қамтамасыз ету қызметі, Байланыс және ақпарат агенттігінің байланыс, ақпарат және ақпараттандыру қызметі, Ұлттық ғарыш агенттігінің ғарыш саласын дамыту қызметі, тағы басқа. 

 

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети