Жанболат Мелдешов шағымдардан кейін қызметінен уақытша шеттетілді

23 Мамыр 2017, 17:43
0
Жанболат Мелдешов шағымдардан кейін қызметінен уақытша шеттетілді -

"Халықаралық бағдарламалар орталығы" АҚ президенті Жанболат Мелдешов қызметінен уақытша шеттетілді, - деп хабарлайды Tengrinews.kz тілшісі.

Осыған дейін БАҚ-тарда Халықаралық бағдарламалар орталығының қызметкерлері Президент Әкімшілігіне, Бас прокуратураға және ҚР Білім және ғылым министрлігіне өздерінің басшысы Жанболат Мелдешовтің үстінен шағымданғаны жайлы ақпарат тараған болатын. Бес парақ шағым жазған орталықтың бұрынғы және қазіргі қызметкерлері орталық басшысының өзіне ұнамайтын қызметкерлерін жұмыстан кетуге мәжбүрлеп жүргенін және ол орындарды өзінің адамдарына босатып беруге мәжбүрлеп жатыр. Сондай-ақ, шағымда орталық басшылығы тарапынан кеткен бірнеше заңбұзушылық анықталды.

Кейін білім және ғылым министрі Ерлан Сағадиев осы мәселеге қатысты пікір білдірген еді. 

"Біз ішкі тергеу жұмыстарын бірнеше рет жүргіздік, мұндай деректер анықталмады. Өтініш жазатын болсаңыздар, менің атыма жазыңыздар, сонда біз қызметтік тексеріс жүргіземіз. Бірақ БАҚ арқылы хабарлаған екенсіздер, біз енді тексеріс жүргізіп, сіздерге баяндаймыз", - деген еді Сағадиев.

Ұжымдық шағымға 25 адамның қол қойғаны айтылады. Сондай-ақ, орталық қызметкерлері жиындардың бірінде түсірілген видеоны көрсеткен. Онда болжам бойынша, басшылардың бірі "Болашақ" түлектеріне тіл тигізіп жатады.

Айта кетейік, "Болашақ" халықаралық стипендиясы 1993 жылы бекітілген. Осы уақытқа дейін 12 мыңнан аса қазақстандық мемлекет есебінен әлемнің үздік ЖОО-ларында оқыды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай