+7 (777) 001 44 99
ПОДЕЛИТЬСЯ
Жауын-шашын мен көктайғаққа байланысты Жамбыл, Қарағанды, Қызылорда облыстарында автокөліктің барлық түрі үшін қозғалысқа шектеу енгізілді, - деп хабарлайды Тengrinews.kz тілшісі ҚР ІІМ Төтенше жағдайлар комитетінің баспасөз қызметіне сілтеме жасап.
Жауын-шашын мен көктайғаққа байланысты Жамбыл, Қарағанды, Қызылорда облыстарында автокөліктің барлық түрі үшін қозғалысқа шектеу енгізілді, - деп хабарлайды Тengrinews.kz тілшісі ҚР ІІМ Төтенше жағдайлар комитетінің баспасөз қызметіне сілтеме жасап.
15 ақпан күні Жамбыл облысында ауа райы жағдайларының нашарлауына (жауын-шашын, көктайғақ) байланысты Екатеринбург - Алматы автожолының Бурылбайтал елді мекенінен Қарағанды облысы шекарасына дейінгі учаскесі автокөліктің барлық түрі үшін жабылды.
Қарағанды облысында дәл осы себепті Екатеринбург - Алматы тас жолының Жамбыл облысы шекарасынан Балқаш қаласына дейінгі учаскесі және Қызылорда - Павлодар автожолының Қызылорда облысы шекарасынан Жезқазған қаласына дейінгі учаскесі автокөліктің барлық түрі үшін уақытша жабылды.
Жауын-шашын Қызылорда облысында да көлік қозғалысын шектеуге себеп болды. "15 ақпан күні ауа райы жағдайларының нашарлауына (жаңбыр) байланысты Қызылорда - Павлодар автожолының Қызылорда қаласынан Қарағанды облысы шекарасына дейінгі учаскесінде автокөліктің барлық түрі үшін қозғалыс жабылды", - делінген комитеттің хабарламасында.
