+7 (777) 001 44 99
Қазақша
Русский
English
Қазақша
Русский
English
Әлеуметтік желі мен мессенджерлерде оқушылар аяусыз соққыға жығылғаны туралы видео тарады, - деп хабарлайды Tengrinews.kz тілшісі.
Оқиғаның мән-жайы
Редакцияға оқырмандар жолдаған видеода бірнеше оқушы тізіліп тұрғаны, оларды белгісіз біреу соққыға жығып жатқаны көрінеді, балағаттап жатқаны да естіледі.
Алдын ала мәліметке сүйенсек, оқиға Алматы облысы Іле ауданы Қараой ауылында болған.
"9-сынып оқушылары жәбір көрген", - деп жазылған тараған ақпаратта.
Посмотреть эту публикацию в Instagram
Зәкиеваның пікірі
Бала құқықтары жөніндегі уәкіл Динара Зәкиева оқушылар әлімжеттік көрген видеоға пікір білдірді. Ол оқиға Қараой ауылындағы №49 мектепте болғанын растады.
"Алдын ала зерттеу нәтижесінде бұл оқиға 2024 жылғы қыркүйекте болғаны анықталды. Қазір жағдайды жан-жақты қарау мақсатында арнайы комиссия құрылды. Қылмыстық іс тіркелді. Оқушыларға психологиялық-педагогикалық қолдау көрсету, ата-аналармен түсіндіру кездесулерін өткізу, сондай-ақ, ықтимал жүйелік заңбұзушылықтарды анықтап, жою мақсатында мониторинг жүргізу шаралары ұйымдастырылды", - деді Зәкиева.
Полиция не дейді?
Алматы облысы ПД мәліметінше, әлеуметтік желілерге жүргізілген мониторинг нәтижесінде кәмелетке толмағандар арасындағы заңсыз әрекеттер бейнеленген видео анықталған.
"Бұл дерек бойынша полицияға азаматтардан арыз-шағым түскен жоқ. Қазір кәмелетке толмаған балаға дене жарақатын келтіру дерегі бойынша іс тіркеліп, соталды тергеу жүргізіліп жатыр. Балаларды тәрбиелеу жөніндегі міндеттерін тиісінше орындамағаны үшін құқықбұзушы жасөспірімнің және оқиғаны бейнетаспаға түсірген мектеп оқушысының заңды өкілдері әкімшілік жауапкершілікке тартылды", - деді полиция.
Сонымен қатар, жасөспірімдер профилактикалық есепке қойылғаны белгілі болды.
"Кәмелетке толмағандар істері жөніндегі комиссияға қосымша ықпал ету шараларын қабылдау туралы ұсыныс енгізілді. Кәмелетке толмағандар арасындағы мұндай зорлық-зомбылық әрекеттері қоғамдық тәртіп пен заңдылық қағидаларын өрескел бұзу саналады. Осы тәріздес құқықбұзушылықтарға қатысы бар барлық тұлға заң аясында қатаң жауапкершілікке тартылады", - деп ескертті ПД өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
