+7 (777) 001 44 99
Қазақша
Русский
English
03 тамыз 2021 | 12:57
Желіде Нұр-Сұлтанда "у шашып жатыр" деген жалған ақпарат тарады
Мессенджерлерде Нұр-Сұлтан қаласының тұрғыны түсірген видео тарап жатыр. Видеодан белгісіз сұйықтық құйылған цистерналары бар жүк көлігі мен оның маңында адамдар жүргенін көруге болады. Тұрғынның айтуынша, олар "адамдарды өлтіру үшін у шашып жүр", - деп хабарлайды Tengrinews.kz тілшісі.
ПОДЕЛИТЬСЯ
Мессенджерлерде Нұр-Сұлтан қаласының тұрғыны түсірген видео тарап жатыр. Видеодан белгісіз сұйықтық құйылған цистерналары бар жүк көлігі мен оның маңында адамдар жүргенін көруге болады. Тұрғынның айтуынша, олар "адамдарды өлтіру үшін у шашып жүр", - деп хабарлайды Tengrinews.kz тілшісі.
Видео авторы "цистерналарда у бар, ал масқа таққан жұмысшылар адамдарды өлтіру үшін улы химикаттарды әдейі шашып жүр" деп шағымданады.
Бұл ақпаратты Нұр-Сұлтан қаласының әкімдігі жоққа шығарды.
"Видеода масалар мен шыбын-шіркейді улау сәті түсірілген. Дезинсекциялық жұмыстар "Столичная дезинфекция" ЖШС қоршаған ортаны қорғау және табиғатты пайдалану басқармасымен бірлесіп жүргізіліп жатыр. Зиянкестерді жою жұмыстары кезінде дезинсекторлар адамдар, жануарлар мен өсімдіктер үшін мүлдем қауіпсіз ерітіндіні қолданады. Жұмыстар түнгі уақытта және таңертең жүргізіледі", - деді ведомствоның баспасөз қызметіндегілер.
Сондай-ақ, елорда әкімдігі жалған ақпарат таратқаны үшін жауапкершілік қарастырылғанын еске салды.
Бұған дейін Түркістан облысында "коронавирус шашылды" деп видео таратқан тұрғын ұсталғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
