Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Жезқазғанда қоқыстан табылған нәресте ата-анасына берілді

04 Қазан 2016, 16:40
1
© Facebook
© Facebook

Жезқазғанда қоқыстан табылған нәресте ата-анасына берілді. 18 жастағы студент қыз бен нәрестенің биологиялық әкесі үйленіп, сәбиді өздеріне алды, - деп хабарлайды Tengrinews.kz тілшісі қалалық білім басқармасының тәрбие ісі жөніндегі сектордың бас маманы Гүлнар Сейітжановаға сілтеме жасап.

"Нәресте биологиялық ата-анасына берілді. Нәрестенің әкесі "Азаматтық хал актілерін тіркеу" арқылы әке құқына ие болды. Олар үйленді. Сондықтан біз оны ата-анасына қайтардық. Балаға туыстарымен бірге болу жақсы болады. Біз нәрестенің жағдайын бақылайтын боламыз", - деді Гүлнар Сейітжанова.

Сондай-ақ, қалалық білім басқармасының тәрбие ісі жөніндегі сектордың бас маманы сәбидің анасы бір жылға бас бостандығынан айырылған кезде сот отырысында болғанын айтты. Сейітжанованың айтуынша, қыз болған оқиғаға өкінді. Ал сәбидің әкесі болса, қыздың жүкті болғаны жайлы мүлдем білмеген.

Айта кетейік, осыған дейін сот әкесін балаға алимент төлеп отыруға міндеттеген еді. Алайда алимент сомасы 500 теңге шамасында ғана. Сот мұндай шешімді анасының жұмыс істемейтінін және материалдық табысы болмағандықтан шығарыпты. Ол ата-анасымен бірге тұрады екен және солардың асырауында.  

Еске салайық, Қарағанды облысында қоқыстан аузы әжетхана қағазымен оралған нәресте табылған болатын. Дәрігерлер нәрестенің жағдайы ауыр екенін хабарлаған еді. Кейін Қарағанды облысында нәрестені қоқысқа 18 жастағы анасы тастаған болып шықты. Бұдан кейін нәресте Балалар үйіне жеткізілді. Дәрігерлер нәрестеге Елжас деген есім берген еді.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай