1. Басты
  2. Біл
  3. Жаңалықтар
  4. Ел жаңалықтары

Жолаушы пойызда қайтыс болды07 ақпан 2014, 15:04

©Нұрғиса Елеубеков ©Нұрғиса Елеубеков
Астана - Алматы бағытындағы пойызында бір жолаушы қайтыс болды деп хабарлайды Tengrinews.kz "Жолаушылар тасымалы" АҚ баспасөз қызметінің жетекшісі Тимур Асылхановқа сілтеме жасап. "6 ақпан күні Астанадан Алматыға қатынайтын № 9-10 "Бәйтерек" фирмалық пойызы Шу станциясына жақындаған мезгілде бір жолаушы өзін жайсыз сезінген. Пойыз бастығы жолсерікпен бірге рациямен Шу станциясына жедел жәрдем шақырды. Алғашқы жәрдем көрсетілген соң науқасқа ауруханаға жөнелту ұсынылды", - деп хабарлады Асылханов. "Жолаушылар тасымалы" компаниясы өкілінің айтуынша, жолаушы жалғыз болмаған. Қасындағы адамдар ауруханаға барудан бас тартқан. "Алғашқы жәрдемнен соң жолаушы өзін жақсы сезініп, сапарды жалғастыратынын айтты. Бірақ Алматы станциясына бір сағатқа жуық уақыт қалғанда науқастың халі қайтадан нашарлап, ол пойызда жүріп кетті", - дейді Тимур Асылханов.