+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жаңа жыл қарсаңында Жуалы ауданында әлеуметтік маңызы бар бірқатар нысандардың құрылысы аяқталып, пайдалануға берілді. Билікөл ауылдық округіне қарасты Қарабастау елді мекенінде бой көтерген фельдшерлік-акушерлік пункт 25 адамға арналған.
Жаңа жыл қарсаңында Жуалы ауданында әлеуметтік маңызы бар бірқатар нысандардың құрылысы аяқталып, пайдалануға берілді. Билікөл ауылдық округіне қарасты Қарабастау елді мекенінде бой көтерген фельдшерлік-акушерлік пункт 25 адамға арналған.
Денсаулық сақтау нысанының ашылу рәсіміне аудан әкімі Жалғас Мұртаза, аудандық мәслихаттың төрағасы Зиядхан Бүрлібаев және жауапты басшылар мен ауыл тұрғындары қатысты. Өз сөзінде аудан басшысы қарабастаулықтарды аталған ғимараттың ашылуымен құттықтап, осынау нысанның құрылыс жұмыстарын кезінде аяқтаған "Синдикап групп" серіктестігіне алғысын білдірді.
Сондай-ақ, бұл күні Қызыларық ауылдық округіндегі Ақтөбе ауылында ауызсу жүйесі іске қосылды. Нысанның құрылысын жүргізген "Темір-Строй Сервис и КО" серіктестігі. Айта кету керек, тұтастай аудандағы 49 елді мекеннің 48-і орталықтандырылған ауызсумен қамтылған. Өткен жылы мұнда бас-аяғы 8 ауылға орталықтандырылған ауызсу жүйесі тартылған болатын. Бұдан бөлек, үш шағын ауылдағы ауызсу мәселесі моноблоктар орнату арқылы оңынан шешілді. Ал, биыл Түктібай ауылында да орталықтандырылған ауызсу жүйесі іске қосылды.
Жалпы, түктібайлық ағайын жаңа жылды зор қуанышпен қарсы алуда. Елді мекендегі тозығы жеткен №12 М.Әуезов атындағы орта мектепке жапсарлас 150 балаға арналған жаңа ғимарат бой көтерді. Шын мәнінде, бұл ғимараттың құрылысы 2025 жылға өтпелі болатын. Алайда, мердігер компания "БИНОМ" серіктестігі құрылысты биылғы оқу жылында аяқтап, ауылдықтардың алғысын алды. Атап өтерлігі, жоба бойынша жаңа ғимарат соғылып, ескі ғимарат күрделі жөндеуден өткен. Оған қоса екі ғимараттың ортасы фойе ретінде біріктіріліп, гардероб жасалған. Дегенмен, фойе жобада көрсетілмеген. Сондықтан, фойе мердігер компания есебінен мектепке сый ретінде салынған.
Ұлу жылы Тасбастау және Ынтымақ ауылының тұрғындарының есінде ұзақ сақталары анық. Себебі, қос ауылда да фельдшерлік-акушерлік пункттер ашылып, жергілікті тұрғындардың медициналық қызметке қолжетімділігін арттырды. "Синдикап групп" жауапкершілігі шектеулі серіктестігі құрылысын жүргізген жаңа нысан бір мезетте 15 келушіні қабылдай алады. Атап өтейік, биыл пилоттық жоба шеңберінде аудандағы 5 елді мекенде жаңа медициналық нысандар пайдалануға берілді.
