1. Басты
  2. Біл
  3. Жаңалықтар
  4. Ел жаңалықтары

Қаңтардан бері 3,3 мың қазақстандық пневмониядан қайтыс болған

Сурет: elements.envato.com Сурет: elements.envato.com

Қазақстанның денсаулық сақтау министрі Алексей Цой пневмония бойынша өлім статистикасын баяндады, - деп хабарлайды Tengrinews.kz тілшісі.

Оның айтуынша, бірінші жартыжылдықта пневмониядан болған өлім деңгейі өткен жылдың сол кезеңімен ұқсас. Ал өсу үрдісі маусымның соңында байқалған.

"Бүгін қатаң шектеу шаралары енгізілгеннен кейінгі 12-ші күн және бұл 14 күндік инкубациялық кезеңде шынжырды үзу үшін жеткіліксіз. Осы кезеңдегі барлық дерлік өлім - карантин енгізілгенге дейінгі кезеңде тіркелген жағдайлар. Биыл 1 қаңтардан 15 шілдеге дейін пневмониядан 3 327 өлім оқиғасы тіркелді. 2019 жылдың ұқсас кезеңінде - 1 896 оқиға. Өсім - 1,75 есе", - деді Алексей Цой.

Денсаулық сақтау министрі пневмониямен ауыратындар стационарлық және амбулаторлық деңгейде көмек алатынын атап өтті.

"Біз барлық жағдайды егжей-тегжей есепке аламыз, өйткені бұл кадрлық қамтамасыз етуді, қаржы, жабдықтар мен дәрі-дәрмектерге қажетті ресурстарды жоспарлау кезінде маңызды мәнге ие", - деп қортындылады Алексей Цой.

Қазақстан жаңалықтары. Соңғы жаңалықтар. Telegram желісінде бізге жазыл!