Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қарағанды облысындағы балабақшаның ашылуы жалған болып шықты

21 Қазан 2015, 14:00
0
"24.kz" телеарнасының видеосынан алынған кадр
"24.kz" телеарнасының видеосынан алынған кадр

Қарағанды облысы Қарамұрын ауылындағы мини-орталықтың ашылуы жалған болып шықты. Балабақша сәбилерді қабылдай бастағанымен, СЭҚ-тен ешқандай рұқсат қағазы алынбаған, - деп хабарлайды Tengrinews.kz тілшісі.

Орталықтың ашылу рәсімі 20 қазанда өтті. Шараға ауыл тұрғындары, ауыл әкімі мен аудан әкімінің орынбасары Азамат Әбілдин қатысты. Шенеуніктер ауылдастарын құттықтап, балаларға теледидар да сыйлады. Лента салтанатты түрде қиылып, жиналғандар жаңа ғимаратты тамашалауға шақырылды.

Алайда орталық басшысы Айгүл Асылбекованың айтуынша, СЭҚ балабақшаны әлі тексермеген. "Тұрғындардың өздері асықтырды. Сондықтан кеше ашылу салтанатын өткіздік. Бірақ СЭҚ бізді әлі тексерген жоқ. Күтіп отырмыз. Олар санитариялық тораптың балалар жасына сәйкестігін тексерулері тиіс. Сонымен қатар, олар жарық пен жылу режимін қарауға міндетті", - деп мәлімдеді ол.

"Балаларды әзірше қабылдап жатқан жоқпыз", - дейді директор. Алайда ауыл тұрғындарының айтулары басқа. Олардың сөзіне қарағанда, сәбилерге орталыққа баруға рұқсат етілген. Ата-аналар балаларын сағат 10.00-ден түске дейін апара алады. Қазір ауыл тұрғындары балабақшадағы құжатнама жағдайына да алаңдап отыр. Олар мини-орталықтың көзбояушылық танытпай, тиісті деңгейде жұмыс істегенін қалайды.

"Оларда СЭҚ-тің құжаты жоқ. Сонымен қатар, тәрбиешілер мен бала бағушыларды жұмысқа қабылдау туралы бұйрықтары да жоқ. Сонда бұл не? Мини-орталықты біз үндемесін деп қана ашты ма?", - деп сұрады ауыл тұрғыны Қарлығаш Жұмағалиева.

Айта кетейік, Қарағанды облысы Қарамұрын ауылындағы мектептің бұрынғы директоры Кәмшат Сүлейменова оқу орнын жеке үйіне айналдырып, кейін оны оқушыларға қайтарып берді. Ауыл тұрғындары ол үшін Қазақстан Президенті Нұрсұлтан Назарбаевқа хат жазуға мәжбүр болғандарын айтты. 

Кейін ол ғимараттан мини-орталық ашылды, төрт миллион теңгеге жөндеу жұмыстары жүргізілді. Ол қаржыны әкімдік бөлген. Орталыққа жаңа жабдықтар, ойыншықтар мен қажетті бұйымдар қойылды. Ғимараттың ішінде қазір бір сынып бөлмесі, үлкен ойын бөлмесі, гардероб, мұғалімдер бөлмесі мен санитариялық торап бар. Сонымен қатар, аулаға қазандық тұрғызылған. Тәрбиешілер мен бала бағушылар жұмыстарына кірісті.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай