Қарағанды облысындағы арнайы орталықта балалардың жаппай улануына қатысты тергеу оқиғадан кейін жарты жылға жуық уақыт өтсе де жалғасып жатыр, - деп хабарлайды Tengrinews.kz тілшісі.
Бас прокуратура Tengrinews.kz ресми сауалына берген жауабында, балалардың улану себебін анықтау үшін кешенді химиялық-токсикологиялық сараптама тағайындалып, өндірісі Ресей Федерациясының мамандарына тапсырылғаны айтылған.
"Бүгінде нәтижелер алынған жоқ. Осыған байланысты соталды тергеп-тексеру жалғасып жатыр. Орталық қызметкерлерінің жауапкершілігін қоса алғанда, соңғы процессуалдық шешім тергеу әрекеттері мен сараптаманың нәтижелері бойынша анықталады", - делінген Бас прокуратура хабарламасында.
Қадағалау органы 31 шілде мен 1 тамыз аралығында облыстық жұқпалы аурулар ауруханасына тамақтан улану (ішек инфекциясынан улану) диагнозымен 14 бала түскенін, оның екеуі қайтыс болғанын еске салды.
Дерек бойынша Қарағанды облысы прокуратурасының соталды тергеп-тексеру бөлімі ҚР ҚК-нің 304-бабының 3-бөлігі бойынша қылмыстық іс тергеп жатыр.
Бұл бап бойынша 5 жылдан 10 жылға дейін бас бостандығынан айыру жазасы қарастырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
