+7 (777) 001 44 99
ПОДЕЛИТЬСЯ
Қашаған кен орнында газдың шығуы белгілеріне байланысты жұмыс тоқтатылды, - деп хабарлайды Tengrinews.kz тілшісі.
Қашаған кен орнында газдың шығуы белгілеріне байланысты жұмыс тоқтатылды, - деп хабарлайды Tengrinews.kz тілшісі.
Ақпаратты Солтүстік Каспий жобасының операторы - NCOC (North Caspian Operating Company) растады.
"3 тамызда өндірістік учаске аумағында газдың ауаға шығып кету белгілері анықталуына байланысты "Болашақ" кешенінің мұнай-газ өңдеу зауытында қауіпсіз тоқтату жұмыстары жүргізілді. Стандартты тәртіпке сәйкес, өндірістік нысандарда газ датчиктері жұмыс істегеннен кейін факель жүйесіндегі қысым түсірілді", - деді NCOC баспасөз қызметіндегілер.
Оқиға кезінде адамдар денсаулығына зиян келмегені хабарланды.
"Батыс Ескенедегі ауа сапасын бақылау бекеттерінде ластаушы заттардың шекті рұқсат етілген нормадан асуы тіркелмеді. Қазіргі уақытта өндірісті қалпына келтіру жұмыстары жүргізіліп жатыр. Біз өндірісті тезірек қалпына келтіреміз деп үміттенеміз", - компания өкілдері.
Еске салайық, NCOC жаздың басында Қашаған кен орнының теңіз және құрлық кешеніндегі өндіріс орындарын жөндеуді тоқтатқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
