27 наурыз 2023 17:08

Қазақстан азаматтары Оңтүстік Корея шекарасынан заңсыз өтпек болған: СІМ пікір білдірді

Гүлнара Досымшалова Корреспондент

ПОДЕЛИТЬСЯ

Корея Республикасына кіруге рұқсат берілмеген Қазақстанның екі азаматы Инчхон халықаралық әуежайынан заңсыз қашып кетті, - деп хабарлайды Tengrinews.kz тілшісі. Ақпаратты ҚР Сыртқы істер министрлігінің баспасөз қызметі растады.


Корея Республикасына кіруге рұқсат берілмеген Қазақстанның екі азаматы Инчхон халықаралық әуежайынан заңсыз қашып кетті, - деп хабарлайды Tengrinews.kz тілшісі. Ақпаратты ҚР Сыртқы істер министрлігінің баспасөз қызметі растады.

Қазақтардың қашқаны туралы ақпарат әлеуметтік желіде тарады. Желі қолданушылары жексенбіде таңғы сағат 4:20 шамасында депортация рейсін күтіп тұрған 21 және 18 жастағы екі қазақстандықтың әуежайдың ұшу-қону жолағы жанындағы қоршаудан асып, қашып кеткенін жазған.

Посмотреть эту публикацию в Instagram

Публикация от Вся Корея (@vsya_korea)

Сыртқы істер министрлігінің мәліметінше, екі қазақстандық Оңтүстік Кореяға 24 наурызда Ташкент қаласынан "Koreana" әуекомпаниясының рейсімен келген. Кейін оларға елге кіруге тыйым салынғандықтан депортациялық рейсті күткен.

Посмотреть эту публикацию в Instagram

Публикация от Корея Жаңалықтары (@korea_komek)

"Алайда қазақстандықтар Инчхон халықаралық әуежайынан заңсыз қашып кеткен. Олардың бірін жергілікті полиция ұстады. Екіншісі іздеуде", - деді Сыртқы істер министрлігінің баспасөз хатшысы Айбек Смадияров.

Оның айтуынша, бұл оқиға Оңтүстік Кореяда жаппай наразылық тудырып, жергілікті БАҚ-тың назарына іліккен.

"Қазақстан азаматтарының мұндай мінез-құлқы олардың осы елдегі имиджі мен мәртебесіне теріс әсер етуі мүмкін. Осы оқиға біздің азаматтардың Оңтүстік Кореяға кіру тәртібіне кедергі келтірері сөзсіз", - деп ескертті ол.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети