"2022-2024 жылдарға арналған республикалық бюджет туралы" заңға енгізілген түзетулерге сәйкес, Қазақстанда бірқатар есептік көрсеткіш мөлшері өсті, - деп хабарлайды Tengrinews.kz тілшісі.
Сонымен, 2022 жылдың 1 сәуірінен бастап Қазақстанда есептік көрсеткіштер мөлшері мынадай болады:
- мемлекеттік базалық зейнетақы төлемінің ең төменгі мөлшері - 20 191 теңге (бұрын - 19 450 теңге);
- ең төменгі зейнетақы - 48 032 теңге (бұрын - 46 302 теңге);
- айлық есептік көрсеткіш (АЕК) - 3 180 теңге (бұрын - 3 063 теңге);
- базалық әлеуметтік төлемдердің мөлшерін есептеу үшін ең төменгі күнкөріс деңгейі - 37 389 теңге (бұрын 36 018 теңге).
Еске салайық, бұған дейін Президент Қасым-Жомарт Тоқаев "2022-2024 жылдарға арналған республикалық бюджет туралы" Қазақстан Республикасының Заңына өзгерістер мен толықтырулар енгізу туралы" Заңға қол қойған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!