"Қазгидромет" синоптиктері 20, 21 және 22 ақпан күндері Қазақстанда ауа райы қандай болатынына болжам жасады, - деп хабарлайды Tengrinews.kz тілшісі.
Болжамға сәйкес, алдағы күндері Қазақстан тұрғындары климаттық айырмашылықты айқын сезінеді.
"Елдің солтүстік өңірлеріне антициклон әсер етеді. Ол негізінен жауын-шашынсыз аязды ауа райын сақтайды. Ал оңтүстік өңірлерде жағдай керісінше – мұнда баяу жылжып келе жатқан оңтүстік циклон ықпал етеді, күндізгі температура біртіндеп 10-15 градус жылыға дейін көтеріледі", – деп хабарлады синоптиктер.
Еске салайық, бұған дейін метеорологтар көктемгі ауа райы болжамын ұсынған болатын. Олардың мәліметінше, алдағы маусым климаттық нормадан 1-2 градусқа жылырақ болмақ, бірақ температураның күрт өзгеруі күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
