Қазақстанда "Алтын белгіге" қойылатын талаптар күшейтіледі 19 тамыз 2021, 14:05
Қазақстанда "Алтын белгі" төсбелгісін ақтауға қойылатын талаптар күшейтіледі. Бұл туралы білім және ғылым министрі Асхат Аймағамбетов мұғалімдердің республикалық тамыз конференциясында мәлімдеді, - деп хабарлайды Tengrinews.kz тілшісі.
"Келесі жылдан бастап "Алтын белгі" төсбелгісін ақтауға қойылатын талаптар күшейтіледі. Біз оларды жыл сайын кезең-кезеңімен қайта қарастырамыз. Өздеріңіз білесіздер. Былтыр бұл мәселені көтердік (қатаңдату туралы. - ескерт.), өзгерістер енгіздік. Биыл екінші кезең. Онда талапкерлер тек жылдың соңында ғана емес, сонымен қатар әр тоқсанда 5-11-сыныпқа дейін бес болуы керек. Мұндай талап енгізіліп жатыр, менің ойымша, бұл маңызды талап", - деді министр.
Бұған дейін Асхат Аймағамбетов мұғалімдердің жалақысы 2022 жылы өсетінін мәлімдеген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!