Қазақстанда боран соғады

©Тұрар Қазанғапов

Қазақстанда күшті боран соғады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.

Кәсіпорын сайтында Қазақстанда ұзақ уақыт суық және жауын-шашынсыз ауа райын қлыптастырған антициклонның бұзылып, Сібірге қарай жылжитыны туралы жарияланды. Оның орнына республика аумағына тек жылу емес, жауын-шашынды да әкелетін оңтүстік циклон шығады.

"Батыс, солтүстік және орталық облыстарда циклонның әсерінен қар жауып, боран соғады. Сонымен қатар, оңтүстік-батыс бағытындағы жел күшейіп, оның жылдамдығы секундына 15-23 метрге жетеді. Оңтүстік және оңтүстік-шығыста жауын-шашын, тұман мен мұзтайғақ болады", - делінген хабарламада.

Еске сала кетейік, ақпан айына арналған ауа райы болжамы бұған дейін жарияланған болатын.