1. Басты
  2. Біл
  3. Жаңалықтар
  4. Ел жаңалықтары

Қазақстанда ескі көліктер үшін ақылы жолдарда жүру қымбат болады

Елімізде ескі көліктер үшін ақылы жолдарда жүру тарифі көтеріледі, - деп хабарлайды Tengrinews.kz тілшісі. "Қазавтожол" ҰҚ" өкілдері Kolesa.kz басылымына бұл тарифті 2-3 жылдан кейін енгізу жоспарланып отырғанын айтады.

"Ескі көлік иелеріне 2020-2021 жылдардан бастап ақылы жолдарда тарифті көтеру жоспарланып отыр. Сол уақытқа дейін ақылы тасжолдарға қатысты ережелерді реттейтін ресми құжаттарға өзгерістер енгізіледі. Нәтижесінде Еуро-4 стандартынан төмен көлік иелеріне жүру ақысы 20-30 пайызға қымбат болады", - дейді "Қазавтожол" ҰҚ" өкілдері.

Компаниядағылардың айтуынша, еліміздегі ақылы тасжолдармен жүретін көліктердің экономикалық класы ІІМ базасы негізінде анықталады. Осылайша олар өте жоғары тариф бойынша төлем жасайды.