Қазақстанда коронавирус жұқтырған жаңа науқастарға қатысты деректер шықты, - деп хабарлайды Tengrinews.kz тілшісі.
Соңғы жағдайлар Түркістан, Батыс Қазақстан және Қарағанды облыстарында тіркелген еді.
Түркістан облысы тіркелген 7 жағдай бойынша:
Коронавирус 1965, 1987, 1989, 1998, 2004 және 2010 жылғы бір отбасы мүшелерінен анықталды. Сонымен қатар, Бәйдібек ауданы Мыңбұлақ ауылының 1987 жылғы тұрғыны COVID-19 науқастарымен жақын байланыста болған.
Қазіргі уақытта емделушілер оқшауланып, ем алады. Науқастармен байланыста болған азаматтарды анықтау және оқшаулау бойынша шаралар қабылданып жатыр.
Батыс Қазақстан облысында тіркелген 1 жағдай бойынша:
49 жастағы науқас, провизорлық стационарда медбике болып жұмыс істейді. Қаулыға сәйкес COVID-19 жұқтыру қаупі жоғары медициналық қызметкер ретінде тексеру кезінде анықталды. ПТР диагностикалық зерттеу нәтижелері бойынша COVID-19 диагнозы қойылған.
Қазіргі уақытта науқас облыстық жұқпалы аурулар ауруханасына жатқызылды. Бекітілген хаттамаға сәйкес емдеу басталды.
Қарағанды облысында тіркелген 11 жағдай бойынша:
13 сәуірде коронавирусты жұқтырудың 11 жағдайы анықталды. Бұл бұрын COVID-19 науқастарымен байланыста болған адамдар және пульмонологиялық госпитальдің бір науқасы.
Еске салайық, бүгінде Қазақстанда коронавирус жұқтырғандардың саны 972-ге жетті.
Қазақстан жаңалықтары. Соңғы жаңалықтар. Telegram желісінде бізге жазыл!