Елімізде тағы 5 адам коронавирустан және COVID-19 белгілері бар пневмониядан қайтыс болды, - деп хабарлайды Tengrinews.kz тілшісі Денсаулық сақтау министрлігінің баспасөз қызметіне сілтеме жасап.
"Қазіргі таңда 2 613 адам коронавирус инфекциясынан емделіп жатыр. Олардың арасында 125 бала бар. Стационарларда - 2 012 науқас, амбулаторлық деңгейде - 601 науқас бар. 81 адамның жағдайы ауыр, 13 науқас аса ауыр дәрежеде, 13 науқас жасанды тыныс алдыру аппаратына қосылған", - делінген хабарламада.
Сонымен қатар, 2020 жылғы 18 қазанда тіркелген коронавирус белгілері бар пневмония бойынша ақпарат жарияланды.
"Өткен тәулікте коронавирус белгілері бар пневмонияның 197 жағдайы және 1 өлім жағдайы тіркелді. Оған қоса 42 адам емделіп шықты", - делінген хабарламада.
1 тамыздан бергі статистика:
Ауырғандар - 35 914, 381 өлім жағдайы тіркелді, ал жазылып шыққандардың саны 28 207 жетті.
