+7 (777) 001 44 99
Қазақша
Русский
English
Қазақша
Русский
English
Жуырда "Ақ жол" депутаттық фракциясы оффшорлық аймақтардан және басқа да шетелдік юрисдикциялардан капиталды қайтару үшін рақымшылық жариялауды ұсынды. Үкімет басшысы Олжас Бектенов депутаттардың ұсынысына жауап қатты, - деп хабарлайды Tengrinews.kz тілшісі.
2001-2014 жылдар аралығында Қазақстанда капиталды жария етудің үш кезеңі өткізілген, оның қорытындысы бойынша бюджетке 6,674 трлн теңге, соның ішінде бірінші кезеңде 70 млрд теңге, екінші кезеңде 904 млрд теңге және үшінші кезеңде 5,7 трлн теңге түскен.
"Офшорлық аймақтардан және басқа да шетелдік юрисдикциялардан капиталды қайтару үшін рақымшылық жасау туралы ұсыныс елдің қаржылық орнықтылығын нығайту және инвестициялық әлеуетін арттыру жөніндегі ықтимал құралдардың бірі саналады. Сонымен қатар, бұл мәселе кешенді әрі салмақты тәсілді талап етеді", - деді ол.
Олжас Бектенов офшорлық аймақтардан және шетелдік юрисдикциялардан капиталды қайтару үшін рақымшылық жариялау туралы мәселе мұқият әрі жан-жақты талдауды талап ететінін мәлімдеді.
"Рақымшылық жасау кезінде жасалған қылмыстық іс-әрекеттердің, әсіресе, егер олар ұйымдасқан қылмыстық топ құрамында жасалған болса не террористік әрекеттермен, есірткі қылмыстарымен және басқа да ауыр құқықбұзушылықтармен байланысты болса, ауырлығын ескеру қажет. Сонымен қатар, төрелік даулардың тәуекелдерін, халықаралық келісімдер сақталуын, қайтарылатын активтер орналасқан елдердің ұлттық заңнамасын ескере отырып, қаржылық шығындарды зерделеу қажет", - деді Үкімет басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
