Жоғарғы аудиторлық палата төрайымы Наталья Годунова сыртқы несиелерді тиімсіз игеру бойынша жеке жауапкершілікті күшейту туралы айтты, - деп хабарлайды Tengrinews.kz тілшісі.
Парламент палаталарының бірлескен отырысында Годунова Үкімет бюджеттік тәуекелдерді анықтап, 2050 жылға дейін мемлекеттік қаржының ұзақ мерзімді тұрақтылығын сараптағанын айтты.
"Қарыз саясатында бірте-бірте тәртіп қалыптасып келеді. Сыртқы қарыздарды тиімсіз тартқаны және оларды уақытылы игермегені үшін лауазымды тұлғалардың дербес әкімшілік жауапкершілігі енгізілген - 100 АЕК (345 000 теңге). Айыппұл сомасын көбейту керек деп санаймыз", - деді Годунова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
