Қазақстанда төтенше жағдай енгізіле ме? Цой жауап берді 30 сәуір 2021, 12:37
Денсаулық сақтау министрі Алексей Цой Қазақстанда төтенше жағдай режимі қандай жағдайда енгізілуі мүмкін екенін айтты, - деп хабарлайды Tengrinews.kz тілшісі.
"Қазіргі уақытта төтенше жағдай режимін енгізу қаралып жатқан жоқ. Бірақ заңнамаға сәйкес бұл ережені Мемлекет басшысы енгізіп, мемлекеттік комиссия қабылдайды", - деді Цой халыққа есеп беру кездесуінде.
Министрдің айтуынша, негізгі шарт бойынша елде санитарлық-эпидемиологиялық жағдай нашарлап, төсек-орын жүктемесі 70 пайыздан асқанда ТЖ режимі енгізіледі.
"Осылайша денсаулық сақтау жүйесіне үлкен жүктеме түскен кезде қатаң шектеу шараларын енгізу шешімі қабылданады", - деді ол.
Қазақстанда тағы бір санаттағы тұрғындарға вакцина тегін болады.
Айта кетейік, бір тәулік ішінде Қазақстанда коронавирус жұқтырған 2 853 жаңа жағдай анықталған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!