+7 (777) 001 44 99
Қазақша
Русский
English
Қазақша
Русский
English
Бәсекелестікті қорғау және дамыту агенттігі "Яндекс Такси" компаниясының баға қою тиімділігіне аудит жүргізді. Аудиттен өту міндеті "Яндекс Таксиге" монополияға қарсы комплаенс аясында жүктелген, - деп хабарлайды Tengrinews.kz тілшісі.
Агенттік мәліметінше, аудиттің мақсаты "Яндекс" сервисін, соның ішінде такси қызметтерінің бағасына әсер ететін шарттар мен параметрлерді зерделеу болған.
"Жүйенің архитектурасы, баға қалыптастырудың базалық және динамикалық компоненттері зерттелді, сонымен қатар, әуежай аумағы мен қаланың орталығынан алыс аудандардағы ерекшеліктер, операциялық процестер қарастырылды. Аудиттің бастапқы қорытындылары бойынша баға белгілеу жүйесінде бірқатар мәселе анықталды. Кейбір мәселе жойылды, ал қалғандары бойынша "Яндекс" оларды жою жөнінде міндеттемелер қабылдады", - деп жазылған хабарламада.
Агенттіктің хабарламасы негізінде пайдаланушыларға арналған адалдық бағдарламасының ережелері (Яндекс+ бағдарламасы) өзгерген, нәтижесінде "Яндекс" осы бағдарлама бойынша барлық шығынды (клиенттерге ұсынылатын жеңілдіктерді) толық өз мойнына алған.
"Яндекс" қолданыстағы комплаенс жүйесіне мынадай өзгерістер енгізген:
- такси тарифтері және жол жүрудің базалық құны қымбаттайтыны туралы агенттікке 3 күн бұрын хабарлау;
- әуежай маңындағы кейбір тұрғын аймақтарды әуежай тарифтік аймағынан алып тастау (1 апта ішінде);
- жол жүрудің базалық құнынан екі есе асатын сомадан комиссия ұстамау (бұл жүргізушілердің табысын арттыруға ықпал етеді);
- "Эконом" тарифіндегі комиссияны әр қалада екі жылда бір реттен жиі көтермеу (бұл тариф ең сұранысқа ие тариф);
- сұраныс көп болған жағдайда тарифті үш еседен артық көтеруді шектеу (мысалы ауа райы қолайсыз күндері немесе мереке күндері, мұндай сапарлар әр тоқсанда әр қалада барлық сапардың 5%-ынан аспауы керек, бұл талап нақты көрсетілген);
- сұранысы төмен аймақтар үшін тариф құрамындағы қосымша төлем компонентін пайдаланушы қосымшасында түсінікті көрсету;
- 2025 жылғы 30 маусымнан кешіктірмей пайдаланушыларға сапар бағасының толық құрылымын қосымшада көрсету;
- техникалық қолдау сапасын арттыру, пайдаланушылардың өтініштерін өңдеу алгоритмін оңтайландыру.
Бұдан бөлек "Яндекс Такси" "эконом" тарифінде сұраныс өте жоғары болған кезде (мысалы ауа райының қолайсыз кезде) сынақ режимінде виртуалды кезек жүйесін енгізеді. Бұл жүйе арқылы пайдаланушы қанша адам такси күтіп тұрғанын көре алады және таңдау жасай алады: кезекке тұру, басқа тарифті таңдау немесе қоғамдық көлікпен жүру.
"Яндекс Таксидің" антимонополиялық комплаенс аясындағы міндеттемелерін орындауы агенттік жанындағы арнайы мониторингтік топтың бақылауында. Оның құрамына кәсіби қауымдастықтардың сарапшылары (бастамашыл топтардың, Көлік, Еңбек және халықты әлеуметтік қорғау, Әділет, Цифрлық даму және инновациялар министрліктерінің, сондай-ақ, таксопарктер қауымдастығының өкілдері) кіреді", - деп жазылған хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
