Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Қазақстандық кемемен Украинадан астық тасылған: ҚТЖ ақпаратқа қатысты пікір білдірді 01 шілде 2022, 16:40

"Қазақстан темір жолы" ұлттық компаниясы Украинадан қазақстандық кемемен астық тасымалдағаны туралы ақпаратқа пікір білдірді - деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Иллюстрациялық фото: elements.envato.com Иллюстрациялық фото: elements.envato.com

"Қазақстан темір жолы" ұлттық компаниясы Украинадан қазақстандық кемемен астық тасымалдағаны туралы ақпаратқа пікір білдірді - деп хабарлайды Tengrinews.kz тілшісі.

Компания мәліметінше, "ҚТЖ" ҰК" АҚ санкциялық шектеулерді қатаң сақтауды міндетіне алады.

"2022 жылғы 30 маусымда бірқатар басылымда қазақстандық "Жібек жолы" кемесімен Бердянск теңіз сауда порты арқылы Украинадан астық экспортталатыны туралы ақпарат жарияланды. "KTZ Express" АҚ 2021 жылғы 26 қазанда "KTZ Express Shipping" ЖШС ресейлік Green Line LLC компаниясымен бербоут-чартер шартын жасасқанын түсіндіреді, оның ішінде мынадай шарттар бар:

  • дедвейті 7000 тонна "Жібек жолы" кемесі үшінші тұлғаларға беру құқығынсыз берілді (2016 жылы Невский кеме жасау және жөндеу зауытынан сатып алынды);
  • 2022 жылдың 30 қарашасына дейін жарамды;
  • халықаралық тәжірибеге сәйкес санкциялық тармақ бар: Green Line жауапкершілігі шектеулі серіктестігі келісімшарт жасасқан күні және әрекет ету мерзімі ішінде оларға ешқандай санкциялар қолданылмайтындығына кепілдік береді. Әйтпесе, кеме иесі келісімшарттарды дереу бұзуға құқылы", - делінген хабарламада.

Green-Line және оның басшылығы - А.В. Шепин, М.В. Тихомирова - АҚШ, ЕО, Ұлыбритания және Канаданың санкциялық тізіміне енбеген.

"Тәжірибеге және жасалған шарттарға сәйкес жалға алушы жүктің түрі мен оны тасымалдау бағыттары бойынша кеме иесімен келіспейді. Green-Line жауапкершілігі шектеулі серіктестігі 1999 жылдан бері астық және мұнай трейдері ретіндегі эстониялық Mangelbert OU компаниясымен Украинадан Түркияға астық тасымалдау қызметін көрсетуге ұзақ мерзімді келісімшартқа отырды.

Mangelbert OU басшысының айтуынша, 2022 жылдың 28 маусымында "Жібек жолы" кемесі Бердянск теңіз сауда портында (6 927,8 тонна) бидай тиеп, порттан Түркияның Қарасу порты бағытында шықты (болжалды уақыт бойынша кеменің келуі 2022 жылдың 1 шілдесі). Сонымен қатар, астықтың украиндық екені, ал тасымалдау украиналық тараптың өтініші бойынша келісілген гуманитарлық дәліз бойынша жүзеге асырылатынына сенімді", - делінген хабарламада.

Бұл ретте "KTZ Express" АҚ осы тасымалдауға қатысушылармен, сонымен бірге дипломатиялық миссия өкілдерімен белсенді консультациялар жүргізетіні айтылған. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram