1. Басты
  2. Біл
  3. Жаңалықтар
  4. Ел жаңалықтары

Қазақстандықтар әлі де той тойлап жүр - ДСМ23 шілде 2020, 13:26

© Тұрар Қазанғапов © Тұрар Қазанғапов

Қазақстанның бас мемлекеттік санитар дәрігері Айжан Есмағамбетова қазақстандықтар шектеуге қарамастан той жасап жүргенін айтты, - деп хабарлайды Tengrinews.kz тілшісі.

5 шілдеден бастап әкімшілік жауапкершілікке 495 жеке тұлғаға тартылып, жалпы 20 миллион теңге айыппұл салынған. 

Көбіне адамдар жабық типтегі нысанда, автокөлікте маска тақпай, әлеуметтік қашықтықы сақтамаған. 

"Адамдардың мереке ұйымдастыруы әлі де жалғасып жатыр. Өкінішке қарай, ондай деректер тіркеліп жатыр. Шектеуге қарамастан кей азаматтар той, ұзату тойын, туған күндерді тойлап жүр. Мұндай жағдайда инфекцияның тарау қаупі жоғары. Үлкен отбасылық мерекелерге қонақтар Қазақстанның түкпір-түкпірінен жиналады", - дейді Есмағамбетова.  

Оның айтуынша, карантин режимін бұзғандардың көбі Алматыда, Түркістан, Жамбыл, БҚО, Павлодар және Алматы облыстарында анықталған. Той ұйымдастырушыларға айыппұл түріндегі әкімшілік жауапкершілік тағайындалған. 

Қазақстан жаңалықтары. Соңғы жаңалықтар. Telegram желісінде бізге жазыл!