Қазақстандықтар арнайы Халыққа қызмет көрсету орталығындағы кезекке шағымданды, - деп хабарлайды Tengrinews.kz тілшісі.
Әлеуметтік желіде қаладағы арнайы ХҚКО-ның бірінің кіреберісі алдында кезекте тұрған адамдардың видеосы тарады. Видео авторының айтуынша, кезекте тұрғандар автомектеп оқушылары.
"Азаматтарға арналған үкімет" мемлекеттік мекемесі қалалық филиалының баспасөз қызметі қаладағы барлық арнайы ХҚКО-да ұзақ демалыстан кейін азаматтардың көптеп жиналғанын атап өтті. Мәселен, 10 мамырда тек №1 арнайы ХҚКО-да 2 мыңнан астам мемлекеттік қызмет көрсетілсе, екінші деңгейлі банктердің көлік құралдарын қайта тіркеуге берген өтініштері арқылы 3 мыңнан астам қызмет көрсетілген. Сондай-ақ, жүргізуші куәлігін алуға үміткерлер саны артқан. 13 мамыр, сенбіде де осындай жағдай байқалған. Бұл күні алты автомектеп практикалық емтихандарды жазуға келген.
"Азаматтарға арналған үкімет" бүгінде Алматыдағы арнайы ХҚКО-да кезек жоқ екенін атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
