+7 (777) 001 44 99
Қазақша
Русский
English
Қазақша
Русский
English
Өткен түнде Қазақстан қалаларында тұрғындар аспаннан жұмбақ жарықтарды байқады. Бұл не болғанын астаналық астроном Артур Гайдук түсіндіріп берді, - деп хабарлайды Tengrinews.kz тілшісі.
Артур Гайдуктің айтуынша, бұл орбитадан шыққан спутник немесе зымыранның бөліктері, яғни қалдықтар болуы мүмкін.
"Бұны әртүрлі қала мен елді мекендердегі куәгерлер көргеніне қарағанда, өте үлкен қашықтықтан байқауға болады. Ұшу траекториясы орбитадан шығуға ұқсайды, сондықтан, бұл адам жасаған нәрсе болуы мүмкін. Дәл айтқанда, жұмысын аяқтаған спутник немесе ғарыштық қоқыс", – деп түсіндірді астроном-әуесқой, Astro Astana жобасының негізін қалаушы.
Сарапшы қазақстандықтарды тыныштандырып, көрінген нысанның ешқандай қауіп төндірмейтінін айтты.
"Бұл ешқандай қауіп төндірмейді, ешқандай астыртын әрекет, дрондар, астероидтар немесе басқа бір қауіпті нәрсе емес. Мұндай жағдайлар жиі болады, және біз соны көру бақытына ие болдық", – деді ол.
Айта кетейік, өткен түнде Астана және Қазақстанның басқа да өңірлерінің тұрғындары аспанда беймәлім, жұмбақ жарықтарды видеоға түсіріп алған. Әлеуметтік желілерде ұшып бара жатқан нысандардың видеолары тарады. Оларды Қырғызстан тұрғындары да байқаған.
Ал Қорғаныс министрлігі әуе кеңістігін бұзу жағдайлары тіркелмегенін және халыққа ешқандай қауіп жоқ екенін хабарлады.
Кейінірек ЦДИАӨМ жұмбақ жарықтардың себебін түсіндірді. Алдын ала мәлімет бойынша, бұл орбитада бұрын болған ғарыш нысандарының атмосфераға кіруімен байланысты. Халықаралық ғарыштық қоқысты бақылаушы ұйымдардың мәліметінше, дәл осы уақыт аралығында осындай әсер беруі мүмкін үш оқиға тіркелген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
