Қазақстандықтар маусымда қалай демалады: күнтізбе

Midjourney

Жаздың алғашқы айында қанша күн демалыс бар? Tengrinews.kz шолу жасады.

Құрбан айт

Маусымда Қазақстанда мұсылмандардың маңызды мерекелерінің бірі Құрбан айт атап өтіледі. Биыл Құрбан айттың бірінші күні 6 маусымға сәйкес келеді. Сондықтан қазақстандықтар үш күн қатарынан демалады:

Аптасына бес күн жұмыс істейтіндер үшін 6, 7, 8 маусым - демалыс күндері.
Аптасына алты күн жұмыс істейтіндер үшін: 6 маусым - демалыс, 7 маусым - жұмыс күні, 8 маусым - демалыс.

ҚМДБ мәліметінше, Құрбан айт басталатын күн мамырдың соңына қарай нақты жарияланады, бір күнге ауысуы да мүмкін.

Құрбан айт қандай мереке?

Құрбан айт - мұсылмандардың ең қасиетті мерекесі. Ол ораза айттан кейін 70 күннен соң басталып, 3 күнге созылады. Бұл кезде әрбір мұсылман мүмкіндігі болса құрбан шалады, мал сояды.