Санитариялық-эпидемиологиялық бақылау комитеті 2021 жылдың 16 қаңтарында халықаралық авиарейстермен келген жолаушылар бойынша ақпарат жариялады, - деп хабарлайды Tengrinews.kz тілшісі.
2021 жылы 16 қаңтарда Қазақстан Республикасының аумағына Германия, БАӘ, Мысыр, Түркия, РФ, Беларусь Республикасы және Өзбекстаннан 14 халықаралық әуе рейсі келді.
2 031 әуе жолаушыларының ішінде ПТР-тестілеудің теріс нәтижесі бар анықтамамен 1 600 адам, анықтамасыз 431 қазақстандық келді.
Оның ішінде:
- Алматы қаласының әуежайына - 8 рейс, 1 123 жолаушы, анықтамамен - 923, анықтамасыз - 200;
- Нұр-Сұлтан қаласының әуежайына - 4 рейс, 471 жолаушы, анықтамамен - 416, анықтамасыз - 55;
- Ақтөбе қаласының әуежайына - 1 рейс, 242 жолаушы, анықтамамен - 120, анықтамасыз - 122;
- Шымкент қаласының әуежайына - 1 рейс, 195 жолаушы, анықтамамен - 141, анықтамасыз - 54.
Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және қазір карантиндік стационарларда нәтижелерін күтіп жатыр.
Сонымен қатар, 2021 жылдың 15 қаңтарында анықтамасыз келген барлық 216 ҚР азаматының ПТР-талдаулары теріс нәтиже көрсетті.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!